Lebnén, l balad l meḳṭelet b saqéfto w hawiyto, fi żáhra ƹajíbe ġaríbe. Yemken mawjúde bas fi waḥdo. Bsammiya ana čaḳṣíyan l “language-shaming”. Yaƹne tṣawwro: l balad čéyef ḥélo b ketret lleġġét yalle byestaƹmela, baƹdun nnés biƹayybo ƹa baƹḍun ayya leġġa byeḥko aw byeketbo fiya la yƹabbro ƹan ḥélun.

W haik, matalan menčúf nés byetmasḳaro ƹa yalle byeḥko leġġét ajnabíye badal l “ƹarabe”, w qaṣdun llebnéne bdún ma yaƹerfo! Wel anglophone byetmasḳaro ƹa “ƹanjahíyet” l francophone, yalle bdawrun byetčéwfo ƹa yalle ma tƹallmo leġġét ajnabíye… Wel anka, enno l kell biƹéyer l kell ƹa ssocial-media bel englíze, aw b foṣḥa melyéne aġláṭ emla, aw b leġġa maḳlúṭa bain llebnéne wel ƹarabe mṭaƹƹme b kelmét ajnabíye, w b abjadíytain.

Ezdiwéjíyet lleġa

W btaƹerfo ču ssabab wara kel ha čči?

L mečekle híye l Diglossia! W meƹnéto enno lleġa rrasmíye lal balad, yaƹne b ḥéletna l ƹarabe l foṣḥa, leġġa maktúbe w meč meḥkíye, baynama leġġto l waṭaníye, yaƹne llebnéne, maḥkíye w meč maktúbe. Aktaríyetna meč wéƹyín ḥatta enna leġġa! W fi ḥatta mín byerfoḍ ysammiya leġġa w byeƹtebra “lahje”, w hón mḍayyaƹ ḥatta bain maƹna llahje Dialecte (leġġa mḥallíye) w llakne Accent (ṭṭariqa l meḳtelfe la lafeż zét l kelme bain mantaqa w ténye).

La ha ssabab, ktár menna bifaḍḍlo yestaƹemlo leġġét ajnabíye la yƹabbro fiya ƹa afkárun bel katíbe, w marrát bel ḥake. W bima enno fi ktár ma ṣarlun forṣa yetƹallmo leġġét ajnabíye, hal waḍeƹ ƹam yeḳlaq súɂ taféhom w ḥasésíyét bain l faríqain.

Leġġa? Lahje? Lakne? Foṣḥa, ƹémmíye, ḥake dérej?

Teṣníf l ƹémíye llebnéníye, húwe b ḥadd zéto mečkle, laɂanno aṣlan l fareq bain lleġġét w llahjét bel metlaq qadíye meč maḥsúme.

Ču ma kénet ttasmiye w ṭṭesníf, qadar Lebnén, zzġír b maséḥto bas l kbír b saqéfto, enno ykún ƹendo entéjét fekríye w fanníye mhemme b leġġto l maḥkíye: masraḥíyét Rraḥébne, čeƹer zzajal, kelmét l aġéne tturasíye, ƹada ƹan l ketub wel tarjamét la Morís Ƹewwéd w ġayro… yalle kén ela teɂsír ƹal mantaqa kamén.

W maƹ ƹaṣer l internet wel social-media, čefna esteƹmél qawe la lleġa l meḥkíye, bel abjadíye llatiníye b aġlab l waqet, b aktar men maṭraḥ: men l Whatsapp w Twitter w Facebook, la ddaƹayét, w ḥatta ƹal websitét.

Mnerjaƹ lal fareq bain teṣníf llahje wel leġġa: bel Linguistics ma fi meqyés ƹelme la ttefríq bain llahje wel leġġa. W fi ejméƹ bain eḳtiṣáṣíyín lleġġa enno ttemyíz bain ttnain húwe mabdaɂ siyése w bas. Yaƹne eƹtibár llebnéne w ġayro lahjét w meč leġġét qéyme b zéta, huwwe qarár siyése. W maƹ haik, ha čči ma biġayyer ḥaqiqet enno hayde leġġetna l emm, yaƹne lleġġa lle rbína ƹam nesmaƹa men zeġretna w mneḥkiya bel bait w b ččéreƹ w b ččeġel, w lle btetmayyaz b mefradéta w kelméta w ṭaríqet terkíb jemléta, w betƹabber ƹa lle menḥess fi w menfakker fi b ṭaríqa ṭabíƹíye w meč meṣṭenƹa.

Yaƹne llebnéne leġġa ḥayye, ḥatta w law ma kénet rasmíye, w híye hallaq b ƹezz ḥayéta w taṭawwura. Ƹa mada ɂlúf ssníne, nzédo ƹala l aṣel l kenƹéne, l aráme wel ƹarabe, w rejeƹ ṣár fi estiƹarét la ktír kelmét men aktar men maṣdar w ḥaḍára maraqu ƹa areḍ Lebnén. W kell yóm leġġetna bteṭṭawwar w betzíd afƹél w kelmét jdéd men mayle, w bimút menna ečya ktír men mayle ténye. 

W menčén haik, ta neḳlaṣ men hal ezdiwéjíye w nṣír metmaknín men leġġetna, lézem nektub  fiya qadd ma fína, w netƹallam qwenína men ƹemer zġír, w yenkatab fiya ketub, w tkún ela abjadíye betlabbe aṣwata ččarqíye wel ġarbíye, w yeqdar yestaƹmla ḥatta lle ma tƹallam ƹarabe foṣḥa.

Ahamm ḳṣúsíye la llebnéne enno byejmaƹ bain aƹżam lleġġét ssémíye lle maraqo b blédna w bel mantaqa, w akíd byestéhal nḳaṣṣeṣlo l mawéred ḍḍarúríye la teqwéyto. W la nṣír b či yóm metelna metel kell l beldén tténye yalle btektub yalle bteḥkí w bteḥke yalle bteketbo, ta nkún mléḥqín l ƹaṣr w akídín men leġġetna, w ta noḳlaṣ men l ezdiwéjíye lleġawíye wel fekríye yalle ƹéyčín fiyun hallaq.

Leġġetna l meḥkíye btestéhal neketba.