W haik, ƹečet la waḥde, ma ƹende ḥada eḥke maƹo ƹan jadd, la yóm ma tƹaṭṭlet ṭiyyárte b ṣṣaḥra men sett snín. Medre ču nkasar bel mutér?

W bema enno ma kén maƹe la mécanicien w la mséfrín, jerrabet ṣalleḥ la waḥde ha tteṣlíḥa ṣṣaƹbe, laɂan l qoṣṣa b nnesbe ele fiya ḥayét w mót. W kén maƹe mayy la ččereb bel kéd tkaffíne tment iyyém.

Awwal layle nemta ƹa rramel beƹed alf míl men l areḍ lle fiya nés. W kenet maqṭúƹ aktar men ġaríq mƹamčaq b ḳačbe b ḍaher l baḥer. W tṣawwro l mféjɂa, ṭlúƹ ḍḍaww, lemmen ṣót ġaríb w naḥíf waƹƹéne, w qalle:

- Ƹmól maƹrúf… ṣawwerle ḳarúf

- Ču?

- Ṣawwerle ḳarúf…

Naṭṭait w jít wéqef metel kaɂanno nezel ƹlayye zéƹqa. Fraket ƹinayye mlíḥ. W tṭllaƹet mlíḥ. Čefet ṣabe zġír, ġaríb ƹajíb, ƹam biméyezne ƹan qaríb. W hayde aḥla rasme elo, qderet eresma baƹdain. Bas rasemte, akid, ṭolƹet aqall rawƹa men l aṣel b ktír. L ḥaqq meč ƹlayye. Nnés l kbár ma čajjƹúne ƹa rrasem lemmen kén ƹemre sett snín. W ma tƹellamet či men rrasem ella ḥayyét l boa men barra wel boa men juwwa.

Tṭellaƹet b hal mačhad mallo ƹinayye ll kellun dahče. W ma tenso enne ƹa beƹed alef míl men mnáṭeq ssakan.

Maƹ enno ṣṣabe ma kén mbayyan ƹlai mḍayyaƹ ṭaríqo, w la mayyet men ttaƹab, w la mayyet men jjúƹ, w la mayyet men l ƹaṭač, w la mayyet men l ḳóf. W la kén ƹlai hayɂet ṣabe ḍáyeƹ b noṣṣ ṣṣaḥra, ƹa beƹed alef míl men mnáṭeq ssakan. W lemmen wƹít men dahečte w ṣár fiyye eḥkí qeltello:

- Ṭayyeb… w ente ču ƹam teƹmol hón?

Séƹta rejeƹ qalle b kell rawéq, w kaɂanno ččaġle mhemme ktír.

- Ƹmól maƹrúf… ṣawwerle ḳarúf.

Lemmen bikún sserr ġámeḍ w mɂasser ktír, ma byestarje l wéḥed ma yṭíƹ. W b rreġem men enne čefet ha čči meč maƹqúl ƹa beƹed alef míl men mnáteq ssakan w ana b ḳaṭar l mót. Saḥabet men jaibte warqa w qalam ḥeber. Bas ƹedet tzekkaret enne daraset aktar či l jeġráfia w tteríḳ, wel ḥséb wel qawáƹed w qelet la ṣṣabe l zġír (w ana meč ƹa sawa) enne ma baƹref ṣawwer.

Jéwabne:

- Ma bihemm. Ṣawwerle ḳarúf.

W bema enno baƹed meč mṣawwar wala ḳarúf, rjeƹet rsamtello rasme men rrasemtain l waḥidín lle beqdar eresmun, w hiyye l boa men barra. W ndahačet lemmen smeƹet ṣṣabe zzġír ƹam yjéwebne:

- Laɂ! Laɂ! Ma bade fíl b qaleb ḥayyet boa. L boa ḳoṭra ktír, wel fíl raḥ ylabbekne, laɂann ƹende l maṭraḥ zġír ktír.

Ana badde ḳarúf. Ṣawwerle ḳarúf.

Séƹta rsamet:

[rasme 1]

Tṭallaƹ mlíḥ, w baƹdén:

- Laɂ! Ma héda haiɂto maríḍ. Ṣawwele ġairo.

Rsamet:

[rasme 2]

Ṣadíqe btasam b loṭof fi či men ččafqa:

- Ma ente čéyef… héda meč ḳarúf, héda tais w elo qrún…

Séƹta rjeƹet rsamet rasme men jdíd.

[rasme 3]

Bas rrasme nrafḍet metel yalle qabla:

- Héda ḳetyár ktír. Badde ḳarúf yƹíč medde ṭawíle.

W bema enne kenet mestaƹjel ƹa fakk l mutér, w ma ƹád fiyye eṣbor, ḳarbačet ha rrasme:

[rasme 4]

W néwalto:

- Héda ṣṣandúq, wel ḳarúf l badda yé juwwa.

Bas tféjaɂet lemmen čefet wejj hal qáḍe zzġír nawwar.

- Héda l badde yé ƹal mazbúṭ. Qawlak baddo ḥačíč ktír hal ḳarúf?

- Laič

- Laɂan bléde zġíre ktír…

- Betḍall tkaffi. Ana ƹṭítak ḳarúf zġír ktír…

W ḥene ráso foq rrasme:

- Meč kell halqad zġír… Laik! Hayɂto néyem

W haik tƹerrafet ƹal Ami Zzġír.