Ana l mara lleġa, jesme betfúḥ menno ríḥet l arḍ w l fwéke w l ġyúm. L ġyúm ƹendon ríḥa? Fik tčemma eza rekkazet mníḥ ente w meṭṭallaƹ b sama Lebnén, laɂanno b kell balad btetġayyar ríḥet l ġaim w btetbaddal. Čemma! Rakkiz! Ṭír! Jesme ḥelo, bečeƹ, ƹaníf aw ƹaníd, ma bihemm. Iyyém bikún zġír metel či ḥačara ma btenɂačaƹ, metel či ḥarf mahmúl, mense w néyem taḥt fayy čajra ḳaḍra. Lail ṭawíl, ṭawíl, byeje baƹdo ṣoboḥ, rannet sséƹa w ráḥ l badr l mdawwar metl tefféḥa ṭaƹma ƹasal. Ejet ččames baƹd ġyéb ṭál snín w lawwnit b núra tlél w jbél fi ḥawlon ṣaḥra ma baƹref lawna, meč čémme ƹeṭra, meč ḥésse fiya.

Bas fi yóm, ballčit l ḥečrye tġayyerne w ṣáro ƹyúne yalle déyman mettejhín ṣób l baḥr yetwajjho ṣób ramel aṣfar bidún ḥdúd. Ču fi honík? Kif ríḥet l ġyúm b ha ṣṣaḥra? Lézem aƹref, lézem čúf. Kenet ƹam etɂammal rramel l aṣfar, waɂta čeft noɂṭa sawda bƹíde. Ču haida? Akid ḥṣán ƹam yelmaƹ sawéd jesmo taḥt ččames l ḥérɂa. Kell ma yɂarreb ṣawbe, ḥess b ḥamés kbír kaɂenno či mféjɂa ḳárje ƹan l maɂlúf náṭretne. Erraret arreb ṣawbo. Metel či enjizéb awe aḳadne la ƹendo w ṣort emče la awwal marra b rramel yalle fét bain ɂṣábeƹ ejre w ḥaraɂon, dafféyon w ġayyarlon lawnon fa ṣár bayáḍon aḥmar. W ḍarabit ačeƹƹet ččames ráse fa ṣar soḳon, soḳon ktír metel či may ƹam teġle. Reġem hal ḥarára, reġem kell či, ḍallait emče ṣob nnoɂṭa ssawda yalle kénet ƹam tekbar aktar w aktar b kell laḥża. Ƹellait ráse la foɂ ta čuf ččames yalle ṣarit metel ƹain kbíre. Ya ƹain ččames, wain ƹain l may? Ana ƹeṭčéne, ana teƹbéne, bas badde čuf l ḥṣán yalle réked honík. Waɂta tƹebet ktír, bramet la čuf l baḥer yalle ṣár ktír bƹíd ƹanne. Ḳtafa. La awwel marra b ḥayete bkún bƹíde ƹan ččaṭṭ. 

W lamma fettaḥet ƹyúne mníḥ, ƹrefet enno ha nnoɂṭa ssawda manna ḥsán, hiyye btečbah jesem ensén ƹam bi arreb aktar w aktar menne. Fa wɂefet w nṭarto ta yúwṣal la ƹende. Ƹallait ráse marra ténye ta eṭṭallaƹ b ččames, bel ġyúm w čemmon, fa tnaččaɂet ríḥa ġaríbe ƹajíbe, ḥelwe w morra, sawda w bayḍa, soḳne w bérde. Ġammadet ƹyúne w ḥassait bi raƹče awiyye. W lamma fettaḥton, čefto! Ken ƹam yemče, rejjél asmar ktír.

Ƹyúnna ltaɂio b laḥża faride men nawƹa, laḥża aɂwa men l waɂet w men riḥet l ġaim w men riḥet l fwéke. Laḥża b ḥajem aren, b ḥajem ƹemer ṭawíl bi balleč b noɂṭa w ma byeḳlaṣ.

Ṣár yeḥke b leġġet ṣṣaḥra w ana eḥke b leġġet l baḥr. Mwéj w raml, ḥrúf ġaríbe, jemal seḥriyye ma mnefhama. Yemken ma fhemet kalémo mníḥ, bas ḥessait b jesmo l mballal bel ƹaraɂ. Taḥet ƹain ččames, nemna ƹa rramel. Čƹeret enno rramel jtéḥ l baḥer, w l may ṣáret núr, w l ḥaref ṣár béb maftúḥ ƹa leġġa jdíde, leġġet l jesem yalle ma ela ḥdúd, btefhama mníḥ kell čƹúb l ƹélam. Ija llail w ġfína taḥet ƹain l amar, tčébket aḥlémna b ha ṣṣaḥra sséḥra.

Téne yóm, waɂta fettaḥet ƹyúne kenet laḥéle b fayyet čajra nabbtit b ha llail. Kén jesme teƹbén b ƹakes ha ččajra yalle ḳaḍára mnawwar ha ṣṣaḥra. Mčít w mčít, mčít ktír ta wṣolet men jdíd ƹal baḥr. W lamma ṣoret ḥadd l may, ḥassait enne ktír teƹbéne, fa nemet ḥadd l may yalle kénet déyman estaƹmela ka ḥeber azraɂ méleḥ bektub fí kelméte ƹa rramel w ssama w l ġyúm. Ču bene? Jesme mkassar, čaƹre teƹbén, lón wejje mġayyar. Jerrabet ektob, ma kén ƹende uwwe. L ḥrúf tbaḳḳrit b mḳayyelte w ṣárit hawa. Tzzekaret ččajra yalle nabbtit b ha llail maṭraḥ ma ġfína ana w ha rrejél. Ma baƹref laič, tkawwan ƹende enṭibéƹ enno ha ččajra mtaṣṣet kell ṭáɂte. Hiyye kebrit, w ana tƹebet.

Ana l mara l ḥerra, neƹséne, teƹbéne w juƹéne. Ma édra fakker wala eġfa! L ḥarf hajarne w ma fíni ektub. W eza ma ktabet, bmút laɂanno l kelmét jezeɂ men ḥayéte, w l ḥrúf henne rúḥe. Lézem erjaƹ rúḥ ƹa ṣṣaḥra ta eɂṭaƹ ha ččajra yalle ƹam betdammerne! Bass ana ma fíne emče! Ma kén lézem ḳún l baḥer w rramel w l mwéj. Ma kén lézem eṭṭallaƹ b ƹain ṣṣaḥra laɂenne ġreɂet bi seḥra l étel.

Ana ƹam mút? Ma baƹref. Yemken! Ḥaṭṭait íde ƹa albe, baƹdo ƹam bideɂɂ. Ṣorot etṭallaƹ bi ṣadfe kbíre baiḍa čefet fiya noɂṭa sawda. Ču haida? Fettaḥet ƹyúne w čefet enno ha nnoɂṭa ssawda hiyye ḥayye ṭawíle ƹam tezḥaf ƹa rramel l aṣfar. Ġaríb! Ma ḳefet menna bel marra, bel ƹakes ḥessait b ryéḥa ġaríbe waɂta dɂarta. Kén l mój ƹam bi mút ƹa ččaṭṭ lamma arrbet menne l ḥayye w ƹaḍḍetni b ejre. Fi nés bi fakkro enno ƹaḍḍet l ḥayye bteɂtol, ma byaƹerfo či! Waɂta fét ssamm ƹa damme, rejƹetle l ḥayét w ntaƹač jesme. Čfít! Samm mɂaddas! L ḥayye ƹaṭyetne ḥayét jdíde! Wɂefet w mčít ṣób l may w ġṭast fiya, ġmarta, fa débit ḥrúfe b melḥa. Ġerɂo ƹyúne bel baḥr, bel hawa, b ssama. Wain l ḥayye? Ḳtafit w tarketne la waḥde ƹa čaṭṭ Lebnén.